ملاك 的个人资料The Lovely Heart照片日志列表更多  |  工具 帮助 |
|
|
12月13日 فليك ... حشرة رائعة ^^ ما اروعك يا فليك! قبل تقريبا 10 او 9 سنوات شفت فيلم " حياة حشرة " ... فيلم رائع بمعنى الكلمة .. وسبحان الله امس شفته على MPC3 بصراحة حرك فيني الذكريات ! قصته وبإختصار  في مملكة النمل .. كانت هناك نملة تدعى فليك ... فليك هذا كان غير عن كل نملة في المملكة كان يعمل ابتكارات واختراعات ... وباقي النمل كانت تتمسخر عليه !  ومشكلة هالمملكة .. انه الجراد كانوا مسيطرين عليهم ... النمل مجبور وخوفا من الجراد يجمع الاكل قبل الشتاء .. عشانهم .. وعشان الجراد يعني كانوا عبيد لهجراد ! وكل المملكة والنمل والملكة راضيين ومستسلمين للامر الواقع ! بس كان فيه واحد في المملكة مش راضي ! وهذا الواحد هو فليك ! فليك طلب من الملكة تسمح له يطلع برا المملكة ويدور على حشرات محاربين لحتى يخلصوهم من الجراد الظالم ! طبعا الملكة رفضت في بداية الامر ... وباقي النمل ما كانوا مؤيدين له .. وخافوا انه الجراد يعروفوا ويقتلوهم! بس فليك اصر .. وقرر انه يروح وجازف بحياته .. لانه لو طلع برا المملكة يمكن ما يرجع ... ويمكن الطيور تأكله ! المهم ... طلع فليك وراح يدور على حشرات محاربين ... طبعا في طريقه لاقى الكثير من المصاعب .. حتى وصل لمدينة مجاورة لمملكته شاف اشكال غريبة عجيبة من الحشرات .. وكل ما سأل عن المحاربين كانت باقي الحشرات تضحك عليه إلين ما دخل مقهى وشاف مجموعة من الحشرات تقاتل الذباب .. فرح فليك انه حصل المحاربين وراح ركض لعندهم وطلب منهم انهم يساعدوه ويساعدوا مملكته ... طبعا هالحشرات على طول طارت من مكان المعركة هربا من الذباب واخذوا معهم فليك من غير ما يسمعوا ايش يبغى منهم ! المهم وصلوا لمملكة النمل ... وما كانوا عارفين المطلوب منهم! اول ما وصلوا الملكة ما صدقت انه فليك رجع حي ! لا وكمان معاه المحاربين إللي راح يخلصوهم من الجراد الظالم ! وعملوا لهم حفلة تكريما لفليك وضيوفه المحاربين .. وكانت النملات الصغيرات عاملين مسرحية يمثلوا فيها كيف انه المحاربين راح ينتصروا على الجراد .. وانه بعض المحاربين ماتوا تضحية لمملكة النمل! عاد ذيك الساعة فهمت الحشرات " المحاربين " ايش المطلوب منهم وسبب قدومهم للمملكة ,, وعلى طول انسحبوا من مكان الحفل ! راح فليك وراهم يلحقهم .. لحظة لحظة ... جرى ايه !؟ قالوا له احنا حشرات سيرك !!!!!!!! ما كنا نعرف انك تبغانا نحارب الجراد !!! انصدم فليك ...لا لا مش معقول !! ... هي دي الحقيقة !!! حاول فيهم انهم يبقون ... بس للاسف بدون فائدة ! طارت الحشرات فرارا وخوفا من الموت ... وفليك وراهم يحاول فيهم .... ومن وراهم جات نملة صغيرة تلحقهم " هي الوحيدة إللي كانت تصدق فليك وتحب اختراعاته " وشافت الحشرات وهما يطيروا وفليك ماسك فيهم يحاول يقنعهم طارت وراهم "وكانت جناحاتها صغار .. صعب تطير" فـ طاحت وهي تصرخ انجدة الحقوني سمعواها حشرات "السيرك" .. وجاء طير وحاول يأكلها .. بس الحشرات وفليك انقذوها وكانت كل النمل تشوفهم ... فـ عجبتهم شجاعة الحشرات وصفقوا لهم بحرارة وهم متحمسين وحسوا بإطمئنان انه الحشرات المحاربين " إللى هما اصلا حشرات سيرك " راح ينقذوهم من الجراد الظالم ! طبعا هذا كله ومملكة النمل مش عارفين انه هالحشرات حشرات سيرك! المهم بعد هذا الموقف إللي صار قرروا النمل انهم يتحدوا الجراد ويحاربوهم وما يعطوهم الاكل ! اجتمعوا كلهم ,, النمل والحشرات المحاربين وعملوا شكل طائر من الاوراق والاخشاب .. لحتى يخوفوا الجراد ويقاتلواهم ويقتلوهم وبعد ما خلصوا وصنعوا الطائر ... اكتشفوا انه هالحشرات حشرات سيرك ! يعني لا حشرات محاربين ولا شيء !! انصدموا النمل .. وتحطموا انهم اعتمدوا على حشرات سيرك طردت الملكة فليك وحشرات السيرك من المملكة ... فليك حاول فيها انهم ينفذوا الخطة .. خطة الطائر ... لكن دون جدوى ! طلع فليك والحشرات من المملكة وهما متحطمين ! وما كان فيه وقت لحتى يجمعوا الاكل للجراد ... الشتاء قرب ... وموعد الجراد كمان قرب ! حاولوا يجمعوا إللي قدروا عليه من الاكل عشان الجراد ... لكن للاسف جاء الوقت وهجم عليهم الجراد وقرر "هبار"زعيم الجراد..  انه يقتل الملكة لانها تهاونت في جمع الاكل للجراد راحت النملة الصغيرة ...واستخبت من الجراد وطارت ورى فليك تخبره باللي صار ... ورجع معاها فليك هو وحشرات السيرك .. لحتى ينقذوا الملكة والمملكة من بطش الجراد المهم ... وصلوا للطائر إللي صنعوه .. وحركوه صوب هبار ... خاف هبار وخافت الجراد .. اما النمل كانوا عارفين انه هالطائر من صنعهم وتحمسوا لما شافوا الجراد خايف وقاتلوهم ... وانتصروا عليهم وتوتة توتة خلصت الحتوتة  المهم ... يا جماعة والله هالقصة فيها فوائد كثيرة ... ياليت الاطفال إللي يشوفوا هالفيلم يفهموا المغزى من القصة ... حتى الكبار ! .. الحين فليك كان عايش في مجتمع راضخ ومستسلم للظلم ... الكل كان راضي .. والكل كانوا عبيد للجراد ! ولا واحد فيهم كان يفكر ويحرك عقله ... ولا واحد فيهم قال بس كفاية .. ولا واحد فيهم استنكر هالظلم .. ولا واحد فيهم فكر انه يغير في اللي حوله ! من بين آلف النمل .. نملة وحدة بس هي إللي كانت غير .. وفكرت في التغيير ... والنتيجة كانت ... انه الكل تغير ... وتحررت النمل والمملكة من الظلم إللي كان واقع عليهم كن انت صاحب التغيير .... وغير في من حولك : ) بالنهاية استفادوا من اختراعاته وابتكاراته ... إللي كانوا يتمسخروا عليها ! وعرفوا وفهموا معنى الاتحاد والتعاون ... لما كلهم تعاونوا وتكاتفوا وصنعوا الطائر وانتصروا على الجراد ! لا تستسلم لألسنة الناس من حولك .... مهما قالوا ... بل ... استمر وواصل ابداعك وتعاون واتحد مع المبدعين امثالك : ) وفهموا انه مهما كانت الوظيفة او العمل إللي يقوم فيها اي شخص .. ما يمنع من انه يطلع بأفكار ابداعية ... او انه يصنع شيء مبدع ... او انه يقلل من قيمة واداء الشخص !!... لما عرفوا انه الحشرات حشرات سيرك استهانوا فيهم وبقدراتهم ... بس بعدين هما إللي انقذوهم ! ... يعني ... لا تستهين بأي شخص مهما كان ... ومهما كانت وظيفته وعمله وحتى جنسيته ....لانه هالشخص لو اعطيناه الحرية والثقة ... بيطلع لنا بإبداعاته اكيد عنده ابداعات ... لانه كل شخص الابداع فيه ... بس انت خليك ذكي وطلعه ! حتى انت .... لا تستهين بنفسك وبقدراتك ! انت تستطيع .... انت تقدر ... كن واااااثق كل الثقة بنفسك الخلاصة كن فليك  .. سلاااامي ودعواااتي  引用通告此日志的引用通告 URL 是： http://mykingdomsoso.spaces.live.com/blog/cns!2AD6921B98BC2E46!372.trak 引用此项的网络日志
|
|
|
