ملاك's profileThe Lovely HeartPhotosBlogListsMore  |  Tools Help |
|
|
October 31 البنت المسكينة المهضومة حقوقها .. والسوبر ولد ! كل شيء في زماننا ووقتنا الحاضر اصبح محظور واحيانا محرم على الفتاة ..!! كل شيء للولد ! البنت غلط ... الولد هو الصح ! البنت عار .. الولد هو الفخر والعزة !! البنت لو تكلمت ... يسكتوها ! .. وكلامها كله غلط ! .. ولا يؤخذ برأيها !! الولد لو تكلم ... يصفقوا له ! .. وكلامه عشرة على عشرة ! .. والرأي رأيه !! وإلى يومنا هذا ... الرجل لما يُرزق بمولودة يعبس ويكشر عن انيابه ... لكن لما يُرزق بالذكر ... اوف ... كأنه شاف الجنة !! ... الابتسامة ايش كبرها على وجهه !! .. واحيانا كثيرة يسوي وليمة !! سبحانك ربي هذا بهتان عظيم !!! ...
حنان بنت حنونة مررررة ... طيبة وخلوقها ... وعندها اخوها اسمه حازم .. وهو فعلا حازم ! هي البكر .. ولما جاء حازم بعدها .. الاب تكنى بـ أبو حازم !! طيب حنان هي البكر .. ليش ما يُكنى بـ أبو حنان !؟ اسمها عار !؟ ولا فضيحة !؟ ولا فشيلة عند الرجال يناد بـ أبو حنان !؟ عجباً !! .. حنان هي الوحيدة إللي تخدم امها وابوها ... وتقوم بشغل البيت ... وكل طلبات امها وابوها مجابة ... مطيعة وخدومة ... متعودة على كذا ... بس حازم 24 ساعة برا البيت !! مع الشباب وناسة ولعب ... يالله يالله يشوف امه وابوه اخر الليل ويسلم عليهم ويروح ينام ! ولا درى عن اخبارهم ولا شيء! كأنه شغل البيت وطاعة الوالدين على البنت فقط ... والولد ما عليه شيء ! هو حر ! والمصيبة ... لما الام تقول لبنتها ... لا عيب الولد ما يسوي شغل البيت ! الولد مكانه وطبعه خارج البيت ! انتي يا بنتي مكانك البيت !! وعليك كل حاجة فالبيت ... واخدمينا انا وابوك !! مأجورة يا بنتي !!! كأن الطاعة مكتوبة على البنت والولد ما عليه غير وناسته !! يعني تخيلوا ... من يوم ما تصحى البنت وهي في شغل وكد في البيت .. وتلبي كل طلبات الوالد والوالدة ... الين ما تمسي وهي على هالحالة ... ينهد حيلها وتنام بعد هاليوم الشااااق .. وكل يوم نفس هاليوم !! والولد في لعب ووناسة وطلعات مع الشباب !!! فرق بين الاثنين غريب عجيب ! .. على كذا البنت راح تصدق أي واحد يقول لها كم من كلمة حلوة... مش كذا وبس .. كمان أي واحد خطبها سوا زين ولا شين على طول بتوافق عليه ... على بالها بتروح مع السوبر مان إللي راح يخلصها من الحياة إللي هي عايشاتها ! ضغط ضغط ضغط حتى تنفجر وتقول /\ /\  مسكينة ... يمكن اتعس كمان !! .. الدراسة والعلم مهمة للولد ... حازم يبه راح ادرسك في احسن دولة وافضل جامعة ... وادخل التخصص إللي يرفعك فوق فوق ...!! حنان يمه ... اتعلمي الطبخ عشان اذا تزوجتي تعرفين تطبخين لزوجك وعيالك !!!! ونزلي راسك تحت تحت على القدر ... لحتى لا يحترق !! ... الولد يتعلم إللي يغذي العقول ... والبنت تتعلم كيف تغذي البطون وتحشيها !! مادري كيف راح تربي عيالها ... يمكن راح تعلمهم كيف يطبخوا ويقشروا البصل !! ..."" ما اقصد انه البنت ما تتعلم الطبخ ... لكن اقصد انه العلم والدراسة جدا مهمة للبنت زيها زي الولد .. البنت راح تربي جيل على يدها ... على شو راح تربيه !!!!"".... ..
.. والقهر القهر إللي يعور قلبي وذاااااااااااابحني ... البنت نفسها لما تكبر وتتزوج وتخلف ... تفضل الذكور على الاناث !!! وتفتخر بالذكور ... وانها ام فلان ... ام الرجال !! ولما تُرزق بالاناث .... كأنه هم !! .. وحزن ومصيبة وكارثة !!!!!!! طيب ليش .؟؟؟ انتي مش انثى !؟ ولا نسيتي !!!!؟؟؟؟ والله الدنيا عجيبة !!! لا والعجيب اكثر ... لما يقول لك واحد ... ياخي لا تفتّح عيون البنت !! خليها مغمضة مدفونة احسن !! يحركوها يمين .. يسار .. على كيفهم .. ما عندها كلمة ولا لها قرار !! ... .. المشكلة لما نرجع نحن ونطبق نفس الغلط او الظلم على الجيل إللي بعدنا .. وين العقل إللي يفكر ... وين العقل المتحرر من ظلم وخزعبلات الجاهلية !!! .. يا جماعة يا عالم ... رفقا بالقوارير !! هي انسان زيها زيك لها حقوق وعليها واجبات من حقها تستانس وتلعب .. من حقها تدرس وتتعلم .. من حقها تشوف الدنيا وتغامر .. من حقها تشتغل .. "طبعا هذا كله ما يطلع ولا يخرج عن حدود الشرع !" خلوها تعيش حياتها مثل ما تبغى !! والله حالة ! .. Comments (2)
TrackbacksThe trackback URL for this entry is: http://mykingdomsoso.spaces.live.com/blog/cns!2AD6921B98BC2E46!227.trak Weblogs that reference this entry
|
|
|
